NAMAMAALAM NA ANG HARI NG AKONILANDIA

Hindi ko alam kung paano ko ito uumpisahan,

kaya tataposin ko nalang,

PAALAM mga ka-kaloko

at mga ka-guni.

Kita kits nalang,

Sa twitter/akoni0609 o sa kabilang buhay.

MARAMING SALAMAT!

MABUHAY!!!

Share

Itanong mo kay AKONI: Bakit ang ugat ng puno nakatanim sa lupa? Bat ang tao me ugat din pero d nakatanim sa lupa...

Papasalamat muna ako sa'yo at sa mga nagtatanong. Kailangan ko ‘yan para makaupdate lagi sa inaanay ko nang kaharian, maraming salamat.

~~~~~~

Tanong mula kay Zeimaya

Tanong: Bakit ang ugat ng puno nakatanim sa lupa? Bat ang tao me ugat din pero d nakatanim sa lupa...

Lagi natin tatandaan na hindi lang dapat mata ang pahuhusgain sa isang bagay o gagamitin para maintindihan ang isang bagay. Huwag mata lang, dapat ito'y laging may ka-partner sa paghusga o pananaliksik, dapat samahan ito ng utak/pag-iisip o puso/pakikiramdam.

Tulad ng sa tanong, bakit ang ugat ng puno ay nakatanim sa lupa? Pero ang ugat ng tao ay hindi nakatanim…

Kung mata lang ang gagamitin natin sa pag-intindi dito, medyo malalabuan tayo. Una, parehas ugat, at oo nga naman bakit hindi lahat nakabaon sa lupa, diba? Pero kung may kapartner ang atin mata kapag sinuri natin ito, maiintindihan natin na lupa din ang katawan ng tao.

Ayon sa akin pag-aaral at napapaliksin (LOL) sa tanong mo, makalipas ang 10 minuto ay napaglaaman ko na parehas lang nakatanim ang ugat ng puno at ugat ng tao sa lupa. Ang ugat ng puno ay nasa ilalim ng lupa, ganun din ang sa tao, nasa ilalim din ito ng katawan lupa natin (Maliban nalang kung nakakita ka ng tao na ang ugat ay nasa labas) dahil alam natin lahat, na lahat ng tao ay galing sa alikabok o lupa. Sabi nga sa kanta ng ASIN na pinamagatan LUPA, Nagmula sa lupa, magpapabik na kusa. Ang buhay mong sa lupa nagmula ....lalala ...lala ...lalalaaaaa...

So, parehas lang ang ugat ng tao at ugat ng puno na nakabaon sa lupa. Hehehe. Kahit yung malaking ugat ng mga kalalakihan ay ibinabaon din sa “lupa o bukid (tawag ng mga matatanda sa toootoott ng mga babae”, ibig sabihin basta ugat, kailangan ibaon o maibaon sa lupa (ng sagad at sukdulan, LOL).

Sa kabilang bandang tanong mo na, bakit ang ugat ng puno nakatanim sa lupa?

Nakatanim ito sa lupa dahil hindi ito puwedi itanim sa langit, LOL. Biro lang. Nakatanim ito sa lupa para ipaalala sa atin na may buhay din sa ilalim ng lupa, kaya pangalagaan natin ang inang kalikasan. Naks.

Share

Magtanong ay 'di biro: Bakit kaya nagagalit ang mga matatanda kapag sumasabat ang mga bata sa usapan ng mga matatanda....

Tanong mula kay Ms. Leeh ng www.daisylee-saberon.blogspot.com

TANONG: Bakit kaya nagagalit ang mga matatanda kapag sumasabat ang mga bata sa usapan ng mga matatanda? Pero silang mga matatanda mahilig makisali sa usapang pambata?

~~~~~~

DISQUALIFIED KA SANA DAHIL DALAWA TANONG MO, ISA LANG DAPAT. HEHE

Kaya nagagalit ang mga matatanda ay dahil hindi sinungaling ang mga bata. Ayaw isali ng mga matatanda ang mga bata dahil baka may marinig silang sekreto na hindi dapat ipagsabi sa iba, tapos ipagkuwento sa iba. Halimbawa, pinagkukuwentohan ng mga matatanda ang kapitbahay nilang may alipunga, hadhad, buni, at kung anu-ano pang sakit sa balat. Kung maririnig ‘yun ng isang bata, at sa paglabas niya ay naging kalaro nito ang anak ng kapitbahay nilang may collection ng sakit sa balat, malaki ang tsansa na sasabihin ito sa kalaro. 

“Narinig ko kanina sa usapan nina nanay at aling rosa, nangungulekta daw ang nanay mo ng mga sakit sa balat, tulad ng alipunga, hadhad, buni at kung anu-ano pa na hindi ko na matandaan, ano kaya ang mga yun?” Tapos uuwi ang kalaro nito, itatanong sa nanay niya. “Nay ano po ang alipunga, hadhad, at buni?” sasagot naman ang nanay ng bata, “Anak bakit mo naman natanong mga ‘yan?”, tapos sasagot ng "Eh kasi sabi ni Junjun mayroon ka daw nun, sabi daw yun ng nanay niya at ni aling rosa.

PATAY NA!

Kaya para maiwasan ang ganyan, sinasabi ng mga matatanda na huwag sumali sa usapan ng mga matatanda ang bata. Gets, gets aww na??

Sagot sa pangalawang tanong.

Kaya mahilig makisali ang mga matatanda sa usapan pambata ay dahil natutuwa sila, natutuwa kayo. Masarap maging bata, gusto mo ito mabalikan pagtanda mo rin. Lahat ng matanda ay gustong mabalikan ang kabataan na masaya, malakas, walang problema sa mundo at malaya.

Hanggang sa muli earthlings.

Share

Dear Kuya Mark Zuckerbkafndreg

-Sulat ko ito mula sa FACEBOOK FAN PAGE ko (Naks ako na ang may FB fan page), sa mga mahihilig ng mga nakakatuwang litrato na ninakaw kung saan-saan lang, pero minsan lang naman ay nakakapost ako ng sariling gawa ko. 

-Matagal na ito don sa FB Note ko, at dahil wala akong maipost dito, repost ko nalang ito.

iTo nA!

SUGGESTION LANG FACEBOOK

Kanina pagkatapos ko magbanyo at patulog na sana ako nang biglang umandar ang gilingan ng kalokohan sa utak ko, kaya napabangon bigla, nagkamot ng kuyukot at inamoy. Mga ganitong pagkakataon kasi ay hindi ko dapat palanpasin, dahil bihira na talaga ngayon gumiling ng kalokohan ang utak ko, nagkakalawang na ang makina. Kahit nga panghuhuli ng mga ligaw na guni-guni ay hirap na hirap din ako at bago pa mapunta sa kung anu-anong katsuktsakan itong mga pinagsasabi ko ay uumpisahan ko na ang dahilan kung bakit naudlot ang paghihiwalay ng katawan at kaluluwa ko pasamantala.

Ito’y dahil sa FACEBOOK.

Hindi ko na kakailanganin pa ng explanation tungkol dito, ang dami na natin nabasang blog o sulat na ang topic ay tungkol sa facebook. Siyempre, meron din ako noh? Pero kakaiba ito, hindi ito tungkol sa kaadikan o mga nangyayari at nagaganap sa facebook, hindi ito tungkol sa pagpopost sa status ng mga drama o problema sa love life o ang tungkol sa kapangitan ng kaibigan mo, at hindi ito tungkol sa pagpopost ng mga….ewan alam na niyo ang mga ‘yun. Ito ay suhestiyon ko sa facebook. Oo ako na suma-suggestion kay kuya Mark Zuckerberg.

May dalawa akong suggestion na sana mayroon o magkaroon ang facebook.

Una, Sana may expiration ang "Facebook Friends"

Kailangan after 6 months ay mag-send sayo uli ang friend mo ng request na gusto pa niyang maging Facebook Friend mo, kung hindi ay automatic na itong madedelete sa friend list mo. Ang astig at angas lang nun, diba?

Ganun, ganito 'yan....

After 6 months ay may notification na lalabas na "Renew your friendship with Akoni" ganyan. Tapos pagclick mo ay may button na "YES" at "NO". Pag YES ang pinili mo, automatic na itong magsesend ng notification sa akin na gusto mong mag-extend pa ang pagiging facebook friends natin. Pagkarecieve ko naman at pagclick sa notification, may lalabas din na button na "Allow" at "Dump". Pag allow ang pinili ko, ibig sabihin ay gusto pa kita ulit maging friend sa loob ng anim na buwan. Kung Dump, ibig sabihin ay gusto na kitang itae, gusto na kitang mawala sa facebook friends ko, automatic kanang madedelete. Pero puwedi ka pa naman magsend ulit ng friend request sa akin, may second chance parin.

Sa ganyan paraan ay maiiwasan natin maging dekorasyon lamaang sa “friend list” ng iba. Malalaman mo pa kung sino ang ayaw nang magrenew ng facebook friendship sa'yo, LOL. Tapos puwedi kang mag-inarte, dump ka lang ng dump sa mga ayaw mong ma-extend ang friendship sa facebook.

Sa ganitong paraan din ay magkakaroon ng bonding ang mga users ng facebook, siyempre kailangan nilang kaibiganin talaga ang mga nasa friend list nila lalo na yung mga crushes o gusto nila, kailangan maging mabait sa lahat para hindi ma-DUMP after 6 months. Kapag may ganito na, sigurado ako ang totoong magkakaibigan lang ang magiging magkafacebook lamaang, diba? At sigurado ako na kapag may ganyan na ay maraming mabubuong pagkakaibigan sa facebook, hehehe.

2. Sana may kasamang explanition ang bawat friend request.

Ang astig at ang angas lang, kapag magsesend ka ng friend request sa isang tao, kailangan mo magpaliwanag ng hindi lalagpas sa 60 words at hindi bababa sa 50 words kung bakit ka nagsend ng friend request sa kanya. Required yan, hindi masesend ang friend request kung walang kasamang explanation.

Sa ganyan paraan ay maiiwasan ang sunod-sunod na friend request galing sa kung sinu-sino nalang na hindi mo kakilala. Mapapagod pa magpaliwanag ang mga taong walang ginawa kundi magpadami ng facebook friends, inaadd kahit sino para lang dumami ang friends nia. Sa una palang ay malalaman mo na kung kakilala mo ang nagrerequest o gusto lang makipagkaibigan.

Kung pakikipagkaibigan lang naman ang intention mo, ilagay mo sa explanation box na gusto mo siya maging kaibigan, na hindi mo siya kilala pero gusto mo siyang kaibiganin, makiusap ka, diba?

Example:

Hello, ako si Akoni, hindi kita kilala at hindi mo rin ako kilala pero nagsent ako ng friend request sa’yo dahil gusto kitang maging kaibigan. Maraming salamat! At dahil kailangan umabot ako ng 50 words, kunwari ay may sinasabi pa ako dito sayo na may sense. Sana ay accept mo ang friend request ko. Mwah!

At kung kakilala mo naman, magkwento ka sa kanya kung bakit nagsesend ka ng friend request sa kanya.

Example:

Walang hiyang kamote na yan, ikaw pala ‘yan? Hahahaha, hanep ah…hindi ko akalain na maaaring magmukhang tao pala ang kamote. Langya, dati eh kulay champorado ka Lang pero ngayon kulay champorado ka parin pero may gatas Na, hahahaha. Batik-bati na mukha mo, black and white na. HOY accept mo friend request ko hayop ka.

Oh diba ang astig, magkakaroon ng explanation box ang friend request at magkakaroon ng expiration ang facebook friendship?

Oo, naisip ko pa 'yan. Ganito lang talaga kapag napadami ang nakain na betsin.

~~~~~~

-Oh ayan, sa mga nag-aabang ng update ko rito sana ay nag-enjoy kayo at may natutunan kayo ng kunti. Hehehe. At sana nasagap ninyo ang mensahe na gusto kong iparating.

Share